قاسم: رجالة السيسي رايحين جايين على واشنطن
قاسم: رجالة السيسي رايحين جايين على واشنطن


قال الناشر والناشط الحقوقي هشام قاسم أن العديد من المقربين من نظام الرئيس عبد الفتاح السيسي "رايحين جايين" على أمريكا منذ انتخاب الرئيس الجديد دونالد ترامب .

وقال "قاسم" في تدوينة عبر حسابه بـ"فيس بوك": "من ساعة ما ترامب كسب الانتخابات ورجالة السيسي رايحين جايين على أمريكا يقدموا طلبات قبل حتى ما الراجل يتولى الرئاسة، وطبعا ناس خام وبيتعاملوا مع الموضوع على أنه طاقة اتفتحتلهم من السما، ومش قادرين ولا قابلين يفهموا أنهم لازم يتحركوا في إطار القوانين والتوازنات السياسية للدولة اللي عايزين يتعاملوا معاها"

وأضاف: "يعني على سبيل المثال لو السيسي وقع قانون الجمعيات اللي اختفى بعد ما الأجهزة الأمنية عدته من مجلس النواب، أو أن الملاحقات الأمنية ضد الحقوقين، سواء تجميد أرصدة أو منع من السفر تستمر، في الغالب حتتأثر العلاقات سلبا، وعلى رأسها المعونات اللي سامح شكري طالب بزيادتها في زيارته الأخيرة، وده مش من باب الكراهية المزمنة أو التاريخية لمصر أو رجوع التأمر عليها من إدارة جديدة، ولكن لأن القوانين الأمريكية بتنص على كده، وطبعا مش حينفع أن الرئيس الأمريكي حتى لو بيموت حبا في السيسي يخالف القوانين ويقول للنائب العام بتاعهم يعمل حظر نشر على الموضوع".

وأردف: "ما علينا، أنا شخصيا مش شاغلني الموضوع ده قوي، بس شايف أن ترامب جايب راجل واعر قوي، يمسكه وزارة الخارجية، اسمه ركس وشبه الكلاب البول دوج، وممكن في الأخر لو زهق من البعثات دي يقوله كاتش عليهم يا ركس" حسب تعبيره.

المصدر : المصريون